تاریخ 24-11-2011

                 شعبہ نشرواشاعت شباب ملی صوبہ پنجاب
                                      موبائل نمبر :0321-6413005- 0312-6413005 -      ای میل:mfurqanazizbutt@gmail  

تاریخ 24-11-2011
گوجرانوالہ(  میڈیا کوارڈینیٹر وسطی پنجاب

نائب صدر شباب ملی صوبہ پنجاب محمد فرقان عزیز بٹ نے کہا ہے کہ حکومت اور اس کے کسی سفارتکار کو یہ حق حاصل نہیں کہ وہ پاکستان کے اندرونی معاملات کو سدھارنے کے لیے امریکی فوج یا حکومت کو مداخلت کی دعوت دے ، اس سے بڑھ کر ملک سے کوئی غداری نہیں ہوسکتی میمو کی مکمل تحقیقات ہونی چاہئیں اور عدالتی سطح پر آئین کے مطابق اس کا ٹرائل ہو اور جرم ثابت ہونے پر اس میں ملوث لوگوںکو کڑی سے کڑی سزا دی جائے  ۔ ہم کسی صورت پاکستان کو  امریکی سٹیٹ نہیں بننے دیں گے۔ ان خیالات کا اظہار انہوں نے میڈیاسے گفتگو کرتے ہوئے کیا۔ اس موقع پر طاہر نوید ،محمد سکند بٹ ،اور عمران گجر بھی موجودتھے۔ انہوں نے مزید کہا کہ ہم فوج اور سول اسٹیبلشمنٹ کے مقابلے میں عوام کو قوت کا سرچشمہ سمجھتے ہیں۔ ملک میں کسی سطح پر بھی فوجی طاقت کا استعمال ملکی یکجہتی کے لیے خطرناک ہے ۔ حکومت عوام کو جان و مال اور عزت کا تحفظ دینے میں ناکام ہو چکی ہے لیکن تمام خرابیوں کے باوجود  ۔ ان حالات میںشباب ملی کے نوجوان آئین سے ماورا کسی بھی اقدام کی سخت مخالفت کر یںگے۔ہمارا دو ٹوک موقف ہے کہ فوج اور اسٹیبلشمنٹ کو کسی طرح بھی ملک کے سیاسی معاملات میں مداخلت نہیں کرنی چاہیے ۔ اقتدار کے رسیا خاندان اور ایجنسیاں ذہن میں رکھیں کہ آئین کو بائی پاس کر کے لائی گئی کسی بھی تبدیلی کو عوام ہر گز قبول نہیں کریں گے۔